Хувьсгалын өлгий нутгийн босгонд орших Түшээт хан аймгийн Баатар ван С.Наваан-Юндэнгийн хошуу хэмээн нэрлэгдэж байсан энэ нутагт анх 1961 оны 09дүгээр сарын 05 нд Төв аймгийн Ардын Депупатуудын Хурлын гүйцэтгэх захиргааны шийдвэрээр Балж, Гацуурт, Түнхэл, Баянголоор нутаглагч ардын хүүхдүүдийг сургах ажлыг төвлөрүүлж,Батсүмбэрийн сангийн аж ахуйд харьяалуулан эхрлэгч Д.Намсрай, багш Л.Ороссүх нар 63 суралцагчидтайгаар анх тулгын тулуугаа тавьж эхэлсэн түүхтэй.
1965 онд Түнхэлийн Мод Бэлтгэлийн Аж Ахуйг Сэлэнгэ аймгийн харьяанд орсонтой холбогдуулж Сайд нарын Зөвлөлийн 33 дугаар тогтоол шийдвэрээр тус сургуулийг 1965 оны 09 дүгээр сарын 01-ний өдрөөс Сэлэнгэ аймгийн Ардын Боловсролын хэлтэст шилжүүлсэн байна.
Улмаар 1974 онд 8 жил, 1990 оноос 10 жилийн сургууль,2006 оноос 11 жилийн сургууль, 2013 оноос 12 жилийн сургууль болон өргөжин ажилласан байна. Сургуулийн анхны захирлаар Д.Дашзэвэг ажиллаж байсан бөгөөд Ардын Боловсролын тэргүүний ажилтан Л.Ороссүх,Ж.Дашзэвэг, Ц.Цэрэндулам, Г.Жүкей, М.Каусылгазы, Б.Бат-Очир, Л.Лайгүй, Ш.Банзрагч, Д.Пүрэвдаваа, Р.Жигжидсүрэн, С.Нармандах,Ж.Эрдэнэчимэг, Ц.Энэбиш,Л.Алтанцэцэг зэрэг тэргүүний ахмад багш сурган хүмүүжүүлэгчид ажиллаж байв.
Манай сургууль 1974 онд 8 жил, 1990 оноос 10 жилийн сургууль,2006 оноос 11 жилийн сургууль, 2013 оноос 12 жилийн сургууль болон өргөжин ажиллаж байна.
Одоо манай сургууль бага ангийн 10 бүлэг, дунд ангийн 7 бүлэг, ахлах ангийн 5 бүлэгтэй бөгөөд нийт 21 бүлэгт 556 сурагч суралцаж, 42 багш ажилтан ажиллаж байна.
Тус сургууль Монгол Улсын Засгийн газрын 1998 оны 12 дугаар сарын 30-ны өдриийн 238 дугаар тогтоолоор нэр орчуулагч, зохиолч С.Наваан-Юндэнгийн нэрэмжит болж 2003 онд түүний хөшөө болон гэр музейг сургууль дээр байгуулсан бөгөөд багш сурагчдын амжилт бүтээлийг урамшуулан сурталчлах чиглэлээр “Баатар ван С.Наваан-Юндэн” сан үйл ажиллагаагаа явуулдаг.
Одоо тус сургуулийн захирлаар Д.Энхтуяа, сургалтын менежер Б.Бямбаханд, Д.Баярмаа ,нийгмийн ажилтан Ч.Ганчөдөр нар ажиллаж байна.
Энэ хичээлийн жилд манай хамт олон бага, суурь, бүрэн дунд боловсролын шинэчилсэн хөтөлбөрийг хэрэгжүүлэх, хүүхэд бүрийн авьяас сонирхлыг нээн хөгжүүлж, эх хэл, ёс заншлаа дээдэлдэг, зөв дадал хэвшилтэй өөртөө итгэлтэй болгон төлөвшүүлж, сургуулиийн үйл ажиллагаанд эцэг ,эх олон нийтийн оролцоог нэмэгдүүлэх зорилго тавин ажиллаж байна.
Мэргэжлийн багшаар 100% хангагдсан бөгөөд багш нарын 62 % нь мэргэжлийн зэрэгтэй ба анги танхимын 80% нь гэрчилгээтэй болж сургалтын таатай орчинг бүрдүүлсний зэрэгцээ Боловсролын тэргүүний ажилтан 12 , Биеийн тамирын тэргүүний ажилтан 1, Соёлын тэргүүний ажилтан 1, магистр багш 9 ажиллаж байна.\
Манай сургуулийн бахархал
Tweet