Цөөн үгээр

- Тогтоолын хавсралтад нэмэлт, өөрчлөлт оруулах тухай - "150 мянган айл орон сууц" үндэсний хөтөлбөр - Бэлэн байдлын зэрэгт шилжүүлсэн хугацааг сунгах, журам батлах тухай

Шуурхай мэдээ

Нийтэлсэн: 3 долоо хоногийн өмнө Үзсэн: 871

Ус цаг уур орчны шинжилгээний газраас ирүүлсэн цаг агаарын урьдчилан сэргийлэх мэдээгээр 05 дугаар сарын 15-ны өдөр төвийн аймгуудын нутаг, зүүн аймгуудын нутгийн баруун хэсгээр, 16, 17-ны өдөр нутгийн зүүн хагаст нойтон цас орж салхины хурд 26-28 м/с зарим үед 34 м/с хүртэл ширүүсч цасан болон шороон шуурга шуурч эрс хүйтрэн автозам, даваа цасанд хаагдах хальтиргаа гулгаа үүсэх зэргээр зам тээвэр, эрчим хүч, хөдөө аж ахуйн салбарын үйл ажиллагаанд хүндрэл учирч болзошгүй байна.
Иймд:
- Сум, орон нутгийн төрийн захиргааны байгууллага, бусад төрийн болон төрийн бус бүх байгууллага аж ахуй нэгжүүд өөрсдийн боломжит мэдээллийн хэрэгсэлээр ард иргэд, малчид, тариаланч, ажилтан алба хаагч нартаа дээрх сэрэмжлүүлэг мэдээллийг танилцуулж урьдчилан сэргийлэх арга хэмжээг авч хэрэгжүүлэх.
- Салхи шуурганы үеэр бага насны хүүхдийг малд харгалзах хүнгүйгээр явуулахгүй байх, шуурганд төөрөх, малтайгаа уруудах, осгох, амь насаа алдах зэрэг эрсдэлээс хамгаалах, малын бэлчээрлэлтэд онцгой анхаарахыг малчид, иргэдэд сануулах.
- Цаг агаарын мэдээг алслагдсан цэгт байрлаж байгаа малчид, ард иргэдэд тогтмол хүргэх.
- Хүчтэй салхи шуурганы үеэр автозамд хальтиргаа гулгаа үүсч, үзэгдэх орчин түр хугацаагаар хязгаарлагдах зэрэг хүндэрлүүд үүсдэг тул хот хоорондын болон орон нутгийн зорчигч тээврийн үйлчилгээнд онцлон анхаарч, хүчтэй салхи, шуурганы улмаас орон нутаг, улсын чанартай автозам хаагдсан үед ажиллах гамшгаас хамгаалах мэргэжлийн албадын бэлтгэл бэлэн байдал /хүн хүч, автомашин, техник хэрэгсэл, шатахуун/-ыг хангах ажлыг зохион байгуулах
- Аюулт үзэгдлийн улмаас автозамд хүндрэл үүссэн зайлшгүй тохиолдолд тухайлсан чиглэлийн автомашины хөдөлгөөнд хязгаарлалт хийх асуудлыг холбогдох хууль, журмын дагуу мэргэжлийн байгууллагатай хамтран хэрэгжүүлэх

Цаг үеийн нөхцөл байдал хүндэрсэн тохиолдолд Онцгой байдлын газрын 7036101, 7036105 Мандал 70367101

 

Сүүлд нэмэгдсэн мэдээ